ఆహా మహాత్మ హా శరణ్యా

"వీరలను క్షమించు తండ్రి నేర రేమియున్" కోరి తిటులు నిన్నుఁ జంపు క్రూరజనులకై ||ఆహా మహాత్మ||

"నీవు నాతోఁ బరదైనున నేఁడె యుందువు" పావనుండ యిట్లుఁ బలికి పాపిఁ గాచితి ||ఆహా మహాత్మ||

"అమ్మా! నీ నుతుఁడ" టంచు మరి యమ్మతోఁ బలికి క్రమ్మర "నీ జనని" యంచుఁ గర్త నుడివితి ||ఆహా మహాత్మ||

"నా దేవ దేవ యేమి విడ నాడితి" వనుచు శ్రీదేవ సుత పలికితివి శ్రమ చెప్పశక్యమా ||ఆహా మహాత్మ||

"దప్పికొనుచున్నా న" టంచుఁ జెప్పితివి గద యిప్పగిదిని బాధ నొంద నేమి నీకు హా! ||ఆహా మహాత్మ||

శ్రమ ప్రమాదములను గొప్ప శబ్ద మెత్తి హా "సమాప్తమైన" దంచుఁ దెలిపి సమసితివి గదా ||ఆహా మహాత్మ||

"అప్పగింతుఁ దండ్రి నీకు నాత్మ" నంచును గొప్ప యార్భాటంబు చేసి కూలిపోతివా ||ఆహా మహాత్మ||