చూడరే మాఱేఁడు పుట్టి నాఁడు

ఎన్నరాని దేవ దీప్తి మున్ను మిన్ను గ్రమ్మెను పన్నుగా రేయెండ కాంతి కన్ననది మించెను ||చూడరే మాఱేఁడు||

దూత తెల్పె వ్రేల కొక ప్రీతియగు ముచ్చటన్ ఖ్యాతిగ దావీదు పురిని కర్తయేసు పుట్టుటన్ ||చూడరే మాఱేఁడు||

తూరుపున జ్ఞానులొక్క తార దివిని గాంచిరి వారు వీరు వచ్చి సేవ వరుసగాను జేసిరి ||చూడరే మాఱేఁడు||

మక్కువతో మనమెల్ల మ్రొక్కి సేవఁ జేతుము మిక్కుటముగ మనకు శాంతిఁ గ్రక్కున నొసంగును ||చూడరే మాఱేఁడు||