జీవితమంత నీ ప్రేమగానం ప్రణుతింతుము
jeevitamanta nee preemagaanan pranutintumu
పల్లవి
జీవితమంత నీ ప్రేమగానం ప్రణుతింతుము యేసుదేవా ప్రచురింతు మేము నీ కీర్తిన్ ఆనందగానంబుతో ||జీవితమంత నీ||
1వ చరణం
సర్వసమయములలో నీ స్తుతిగానం ఎల్లవేళలయందు నీ నామధ్యానం మాకదియే మేలు ఈ జీవితమున స్తుతియింతు నా రక్షకా ||జీవితమంత నీ||
2వ చరణం
సృష్టినంతటిని నీ మాటచేత సృజియించితివిగా మా దేవ దేవా నీ ఘనమగు మహిమన్ వర్ణింపతరమా స్తుతియింతు నా రక్షకా ||జీవితమంత నీ||
3వ చరణం
కలుషాత్ములైన మా కొరకు నీ విలువైన ప్రాణంబు నర్పించితివిగా కల్వరిగిరిపై చూపిన ప్రేమన్ స్తుతియింతు నా రక్షకా ||జీవితమంత నీ||
4వ చరణం
పరిశుద్ధమైన నీ సన్నిధిలో శాశ్వతమైన నీరాజ్యంబులో ప్రేమతో నన్ను చేర్చుకొంటివిగా స్తుతియింతు నా రక్షకా ||జీవితమంత నీ||