దేవుని వారసులం ప్రేమ నివాసులము

దారుణ హింసలలో దేవుని దూతలుగా ఆరని జ్వాలలో ఆగని జయములతో మారని ప్రేమ సమర్పణతో సర్వత్ర యేసును కీర్తింతము ||దేవుని వారసులం||

పరిశుద్ధాత్మునికై ప్రార్థన సలుపుదము పరమాత్ముని రాక బలము ప్రసాదింప ధరణిలో ప్రభువును జూపుటకై సర్వాంగహోమము జేయుదము ||దేవుని వారసులం||

అనుదిన కూటములు అందరి గృహములలో ఆనందముతోను ఆరాధనలాయో వీనులవిందగు పాటలతో ధ్యానము చేయుచు మరియుదుము ||దేవుని వారసులం||

సజీవ సిలువ ప్రభు సమాధి గెలుచుటచే విజేత ప్రేమికులం విధేయ బోధకులం నిజముగ రక్షణ ప్రబలుటకై ధ్వజముగ సిలువను నిలుపుదము ||దేవుని వారసులం||

గోధుమ గింజవలె క్రీస్తుడు చావగను నాధుని మరణములో శాశ్వత జీవమును నిధులుగ పండించి లేవగను మాధుర్య రక్షణ లభియించెను ||దేవుని వారసులం||

హతసాక్షుల కాలం అవనిలో చెలరేగ గతకాలపు సేవ గొల్గొత గిరి భీతులలో బహురీతులలో నూతన లోకము కాంక్షింతుము ||దేవుని వారసులం||

ప్రభువును చూచుటకై ప్రజలందరు రాగ విభు మహిమను గాంచ విశ్వమే మముగోర శుభములు గూర్చుచు మాలోన శోభిల్లుయేసును జూపుదము ||దేవుని వారసులం||