పల్లవి
ఏల చింత యేల వంత యిచట నీకు క్రైస్తవ పాలకుండు యేసు నీదు వంత లెల్ల నెరుఁగుఁగా ||ఏల చింత||
1వ చరణం
తొల్లి నీ వొనర్చినట్టి దోష మెంతో జూడుమా కల్లగాదు యేసు క్రీస్తు చెల్ల చెదరఁ జేసెఁగా ||ఏల చింత||
2వ చరణం
నీకు కాలు జారినపుడు నిన్ను లేవనెత్తెఁగా నీ కలుషముఁ గడిగి వైచి నిన్ను విమలుఁ జేసెఁగా ||ఏల చింత||
3వ చరణం
నీకుఁ గల్గు వ్యాధు లన్నా నెవరు మీరఁ దీర్చెఁగా ప్రాకటముగ నీకు సకల పదవు లిచ్చి ప్రోచెఁగా ||ఏల చింత||
4వ చరణం
యేసు నిన్ను బాగు జేయ నిచట శ్రమలు బెట్టుగా వాసిగాను శ్రమలయందు యేసు పజ్జఁజేరుమా ||ఏల చింత||
5వ చరణం
నిన్ను తల్లడిల్లఁజేయు నీ విరోధు లందరిన్ మున్ను తండ్రి పగిదిఁ దరిమి పన్నుగాను బ్రోచెఁగా ||ఏల చింత||
6వ చరణం
సందియంబు లేల నీకు స్వర్గ నాధుఁ డుండఁగా అందమైన యీవులిచ్చి యతఁడు నిన్ను ఁ బ్రోవగా ||ఏల చింత||