లోకమంతట వెలుగు ప్రకాశించెను యేసు

నేను వెలుగై చీకటిలో వెలుగుచున్నాను చీకటి దాని గ్రహింప లేదు నేను లోకమునకు వెలుగై యున్నాను నను వెంబడించు వాడు చీకటిలో నడువక జీవపువెలుగై యుండుడనె యేసు ||లోకమంతట వెలుగు||

ఆ పట్టణములో వెలుగుటకు సూర్యుడైనను చంద్రుడైన నక్కరలేదు ఆ పట్టణములో దేవుని మహిమయే ప్రకాశించుచున్నది యెపుడు ఆ పట్టణమునకు దేవుని గొఱ్ఱెపిల్లయే దీపమై వెలుగుచుండు ||లోకమంతట వెలుగు||

మీరు లోకమునకు వెలుగై యున్నారు గనుక మీరు వెలుగు సంబంధులు మీరు కొండపైన కట్టబడిన పట్టణంబువలెనే మరుగై యుండక నరులందరికి వెలుగై యుందురనె యేసుండు ||లోకమంతట వెలుగు||

చీకటిలో నడుచుజనులు గొప్ప వెలుగును చూచిరి ధన్యులై లోక మందు మరణచ్ఛాయగల దేశనివాసుల మీద ప్రకాశించెను గొప్ప వెలుగును ప్రభువు యేసుకు జేయని పాడరే ||లోకమంతట వెలుగు||