మనసా వినవేమే క్రీస్తునిఁ గని

చింతలేల నీకు వర శ్రీ మంతుడుండు వరకు చెంతను జేరక యెంతసేపు నీ యంతట నుండెదవే ||మనసా వినవేమే||

లోకాశలకును నీవు లోకువై యుండకుము ఆకాశము నేలెడు మన ప్రభువును ప్రాకటముగ నమ్ము ||మనసా వినవేమే||

మాయ సంతలోన జిక్కి మాయలఁ బోయెదవు కాయము స్థిరమని నమ్మకు మీ నీ ప్రాయము దక్కదుగా ||మనసా వినవేమే||

రక్షకయని వేఁడు నీవు రక్షణకై వేఁడు రక్షణఁ బొందుట కిదియే సమయము తక్షణమున వేఁడు ||మనసా వినవేమే||

అందరమును గూడి యేసుని మందిరమునఁ జేరి పొందుగ క్రీస్తుని పొగడుచుఁ బాడుచు నందునఁ జేరుదము ||మనసా వినవేమే||