పాపిని కృప జూపవయ్యా దాపు

వేష భాషలతోడ నిండి మోసపోయితిని యేసయ్యా దోసిలొగ్గి నిన్ను చేరితి దాసునిగ బ్రోవు యేసయ్యా ||పాపిని కృప||

నీతి లేని నాదు జీవిత మేల నికనయ్యా యేసయ్యా నీతి గరపి బ్రోవు మయ్యా నీతి నిడవయ్యా యేసయ్యా ||పాపిని కృప||

నీదు సిలువలోని ప్రేమ నెంచదర మౌన? యేసయ్యా నాదు కలుష మంత బాపి కనికరింపు మా యేసయ్యా ||పాపిని కృప||

నీదు రక్తధారలేయిల పాపికాశ్రయము యేసయ్యా నీతిమంతుల జేయుమయ్యా నీతిసూర్యుండా యేసయ్యా ||పాపిని కృప||

దాపుగోరినవారలకు నీ ప్రాపుజూపితివి యేసయ్యా పాపశాపము బాపి నిత్య జీవమిడవయ్యా యేసయ్యా ||పాపిని కృప||

శాంతి గోరువార లెల్లనీ చెంతకరగినచో యేసయ్యా చింతలెల్ల దీర్చగలవు శాంతి నొసగెదవు యేసయ్యా ||పాపిని కృప||

పరమరక్షక నీదు ప్రేమ నెరుగ తరమౌన యేసయ్యా పరుల మైన మమ్ము బ్రోవ వేచియున్నావా యేసయ్యా ||పాపిని కృప||

నాదు హృదయము నీదెసుమ్మా నీవె గైకొనుమా యేసయ్యా శుద్ధ హృదయము జేసి నను నీ సుతునిగా జేయు యేసయ్యా ||పాపిని కృప||