పరిశుద్ధాత్మ ప్రభుని వరదివ్యశక్తిబం ధురము

ఆపత్కాలమునందు ప్రాపయి మానవజాతి కాపయి సంరక్షించి ఏపారును పాపాంధకారమున బడి మ్రగ్గి శోకించు పాపజాతికి దీప రాశియై రహియించు కృపయు కనికరములు గుంఫించి మధురాతి ప్రభగా భాసిల్లెడు పరమార్థము అపభ్రంశకార్యముల కెపుడు తావీయక సుపురోగతిని జూపి శోధించును ||పరిశుద్ధాత్మ ప్రభుని||

బండలనుపమించు గుండియల కదలించు నిండుశక్తి ఘటించు నీతి బెంచు ఎండిన యెదలను నిండించు రక్షణో ద్దండ విలసిత భాగ్య దానమ్ములు దండిగానసమాన ధైర్యోత్సాహములిచ్చి మెండుగా నాదరము మేళవించి మండుచున్న పాప మరణాగ్ని జ్వాలల నుండి పాపిని గాచు నండయౌచు ||పరిశుద్ధాత్మ ప్రభుని||

శాంతి సమాధాన సౌజన్యభావమ్ము కాంతిమంతము గల్గు కారుణ్యము అంతములేనట్టి ఆనంద శుద్ధాత్మ శాంతిదాంతియొసంగి సంరక్షించు ఎంతో సంతోషముతో అంతుబొంతులేని వి క్రాంతి బలత్యాగముల గావింప జేయు చింతా ధ్వాంతములోన చెదరికొట్టుకపోవు శాంతిలేని జనతకు సౌఖ్యాస్పదము ||పరిశుద్ధాత్మ ప్రభుని||