ప్రబలముగనే ప్రస్తుతించెద ప్రభుని కృపలన్ని

పొందుగోరి నా యందు నిలిచిన బంధుమిత్రుడవు మందమతి కా నందమొసగిన మహిమతేజుడవు ||ప్రబలముగనే ప్రస్తుతించెద||

చింతదీర్చి నా భ్రాంతి మార్చితి వెంత వింతదియో స్వాంతమున కడు శాంతిగూర్చితి వెంత కరుణదియో ||ప్రబలముగనే ప్రస్తుతించెద||

నీతి కరపిన జాతి మరపిన ఖ్యాతి యేసునిదే నీరసుడ నను గారవించిన నీతిరాజితడే ||ప్రబలముగనే ప్రస్తుతించెద||

జీవమిచ్చిన జావవచ్చిన దేవసుత నీవే జీవదాయక బ్రోవరా యిక జాలమేలనురా ||ప్రబలముగనే ప్రస్తుతించెద||

నిమిషనిమిషము నిను భజించెద నెమ్మనంబునను శమదమాది సుగుణశోభిత సమ్మదిని నిమ్మా ||ప్రబలముగనే ప్రస్తుతించెద||