ప్రేమామృత్తధారలు చిందించిన యేసుకు సమమెవరు?

నిశ్చలమైన ప్రేమజీవికి యిలలో తావేది ప్రేమ ద్రోహులేగాని ప్రియమున చేరరు వాని చేరిన చెలికాడగురా సమయమిదే పరుగిడరా ||ప్రేమామృత్తధారలు చిందించిన||

ఎంత ఘోరపాపాత్ములనైన ప్రేమించునురారా పాపభారముతో రారా పాదములపై బడరా పాపుల రక్షకుడేసు తప్పక నిను రక్షించున్ ||ప్రేమామృత్తధారలు చిందించిన||

ఇంత గొప్ప రక్షణను నిర్లక్ష్యము చేసెదవేల? రక్షణ దిన మిదియేరా తక్షణమే కనుగొనరా ఇదియే దేవుని వరము ముదమారగ జేకొనుము ||ప్రేమామృత్తధారలు చిందించిన||