యేసురాజు నీదు ప్రేమ నెంచ

మంచివాని కొరకు నొకఁడు మరణ మొందుటరుదుగా అంచితమగు ప్రేమ చేత మించి గాయము లొందినా ||యేసురాజు నీదు||

చెయ్యరాని దుష్కర్మములుఁ చేసి నే చెడియుండగా అయ్యో మ్రానుమీఁ దికీవు ఇయ్యకొని మోసితివా ||యేసురాజు నీదు||

గెత్సేమనె వనములోకిఁ జొచ్చి తండ్రికి చిత్తమై యిచ్చిన నా శ్రమలపాత్రన్ బుచ్చుకొని భరించినా ||యేసురాజు నీదు||

హస్తము,పాదము,ప్రక్కలు మస్తకపు గాయములలో విస్తరించి చిందె నీ ప్ర శస్త రక్తమంతయున్ ||యేసురాజు నీదు||

కొండమీద నిన్నుఁజూడ గుండెలదిరిపోవునే నిండు ప్రేమ చేత నావగు మెండుబాధల నోర్చినా ||యేసురాజు నీదు||

మరువలేను నీదు ప్రేమ మరణపరియంతంబు నా నరక బాధలన్ని నీవా కొరతపై వహించినా ||యేసురాజు నీదు||

నిన్నుదలఁచ నా నిరీక్షణ యున్నతము గానుండును యెన్నడు నీ మహిమను నా కన్నులారఁజూతునో ||యేసురాజు నీదు||