యేసువలె ఇల నేనుండెదను యేసువలెను

శుద్ధుడనై బ్రతుకు బద్ధుడనంచును శుద్ధుడనై యుండ శ్రద్ధ జూపుదు నేను ||యేసువలె ఇల||

భరియింపవలసిన భారంబుల్గల వెన్నొ భరియింప మిక్కిలి బలశాలినై నేను ||యేసువలె ఇల||

సాధింపవలెనెన్నొ సాహసకార్యంబుల్ సాధింపధైర్యాన సాగి పోవుదు నేను ||యేసువలె ఇల||

ధాత్రి నెల్లతోడ మైత్రినేనెరపుచు శత్రులకునుగూడ మిత్రు డనై నేను ||యేసువలె ఇల||

ఒరుల చింతలదీర్తు నుల్లాసమున గూర్తు పరమ ప్రేమతో నెపుడు పైకి జూతును నేను ||యేసువలె ఇల||

నా దివ్యజనకుడు నాకు ననుదినమును బోధింప వాక్యంబు బుద్ధితో నేర్తును ||యేసువలె ఇల||

వినిసంతసంబున ఘనుని యాజ్ఞలనెల్ల వెనువెంట జేసెద వినయంబున నేను ||యేసువలె ఇల||